11480 ۔۔۔ مسند علی (رض) سے نظر بن عاصم روایت کرتے ہیں فرمایا کہ فروۃ بن نوفل الاشجعی نے فرمایا کہ کس بناء پر مجوسیوں سے جزیہ لوگے جبکہ وہ اہل کتاب بھی نہیں ؟ تو حضرت مستورد کھڑے ہوئے اور ان سے بات کرنے لگے اور فرمایا کہ اے اللہ کے دشمن ! کیا تو حضرت ابوبکر وعمر (رض) پر طعن کرتا ہے، پھر ان کو لے کر حضرت علی (رض) کے گھر کی طرف گئے، حضرت علی (رض) نے فرمایا کہ میں مجوسیوں کے بارے میں سب سے زیادہ جانتا ہوں ، ان کی علامت ہوتی ہے جو وہ پہچانتے ہیں ان کی کتاب ہے جو وہ پڑھتے پڑھاتے ہیں اور ان کا بادشاہ ایک ایک دن نشے کی حالت میں اپنی بیٹی اور بہن سے زنا کر بیٹھا ، رعایا میں سے بعض لوگوں کو علم ہوگیا جب کہا کہ کیا تم دنیا میں آدم (علیہ السلام) کے دین سے بہتر کسی دین سے واقف ہو اور وہ اپنے بیٹے اور بیٹی کی آپس میں شادی کروایا کرتے تھے اور میں آدم (علیہ السلام) کے دین پر ہوں ، سو جو لوگ اپنے دین سے برگشتہ ہو کر اس کے پیروکار ہوگئے انھوں نے مخالفوں سے جنگ کی ، سواگلے ہی دن ان سے ان کی کتاب اٹھالی گئی اور جو علم ان کے سینوں میں تھا وہ بھی اٹھالیا گیا اور وہ اہل کتاب ہیں اور جناب رسول اللہ (صلی اللہ علیہ وآلہ وسلم) اور حضرت ابوبکر صدیق (رض) اور حضرت عمر (رض) نے ان سے جزیہ لیا ہے “۔ (الشافعی ، عدنی ، ابویھلی، ابن زبجویہ فی الاموال سنن کبری بیھقی)