11500 ۔۔۔ حضرت ابن عمر (رض) فرماتے ہیں کہ جب عبداللہ عمر (رض) کے گھر والوں کو حضرت عمر (رض) کھڑے ہوئے اور خطبہ ارشاد فرمایا ب کہ “ بیشک رسول اللہ (صلی اللہ علیہ وآلہ وسلم) نے خبیر کے یہودیوں کے ساتھ ان کے مال پر معاملہ فرمایا تھا اور فرمایا تھا کہ ہم تمہیں اس وقت تک اپنے پاس رہنے دیں گے جب تک اللہ تمہیں رہنے دے گا، اور عبداللہ بن عمر وہاں موجود مال کی طرف گئے تھے سو رات کے وقت ان پر حملہ کیا گیا اور ہاتھوں پیروں کو پھاڑدیا، اور وہاں ان کے علاوہ ہمارا کوئی دشمن نہیں، وہی ہمارے دشمن اور تہمت ہیں، اور میری رائے ان کو وطن کرنے کی ہے چنانچہ اس معاملے پر جب حضرت عمر (رض) نے اجتماعی فیصلہ کرلیا تو بنوابی الحقیق نامی قبیلے کا ایک شخص ان کی خدمت میں حاضر ہوا اور عرض کیا کہ اے امیر المومنین ! آپ ہمیں نکال رہے ہیں جبکہ رسول اللہ (صلی اللہ علیہ وآلہ وسلم) نے ہمیں رہنے دیا اور ہمارے ساتھ ہمارے اموال کا معاملہ کیا اور شرط لگائی، تو حضرت عمر (رض) نے فرمایا کہ کیا تو یہ سمجھتا ہے کہ رسول اللہ (صلی اللہ علیہ وآلہ وسلم) کے قول مبارک کو بھول گیا ہوں (کہ) تیرا اس وقت کیا حال ہوگا جب تجھے خبیر سے نکالا جائے گا اور تیری اونٹنی لے کر راتوں بھاگتی چلی جائے گی ؟ یہودی نے کہا یہ تو ابوالقاسم (صلی اللہ علیہ وآلہ وسلم) کا مذاق تھا، تو حضرت عمر (رض) نے فرمایا کہ اے اللہ کے دشمن تو جھوٹا ہے، اور پھر حضرت عمر (رض) نے ان کو جلاوطن کردیا۔ (بخاری ، سنن کبری بیھقی)