11529 ۔۔۔ عبدالرحمن بن ابی یعلی فرماتے ہیں کہ میں نے حضرت علی (رض) سے ہوچھا کہ حضرت ابوبکر اور حضرت (رض) خمس میں آپ کے حصے کے ساتھ کیا معاملہ کرتے تھے ؟ تو حضرت علی (رض) فرمایا کہ حضرت ابوبکر صدیق (رض) کے زمانے میں خمس تھے ہی نہیں اور نہ ان کو اس کا موقع ملا، اور حضرت عمر (رض) پر خمس میں حصہ دیتے رہے جدیساپور کے خمس تک چنانچہ انھوں نے میری موجودگی میں فرمایا کہ اے اہل بیت ! یہ خمس میں سے تمہارا حصہ ہے، اور کچھ حصہ چھوڑ دیا ہے، ان کی ضروریات زیادہ ہوگئیں ہیں، اگر تم پسند کرو تو، اپنا حصہ چھوڑ دو ، تاکہ ہم اس کو مسلمانوں میں خرچ کریں جب دوبارہ ملے گا تو میں اس میں سے تمہارا حصہ ادا کروں گا ؟ میں نے عرض کیا کہ جی ہاں درست ہے، لیکن حضرت عباس (رض) فوراًاٹھ کھڑے ہوئے اور فرمایا کہ اپنے حصے کو ہرگز نہ چھوڑنا ، تو میں نے ان سے کہا کہ اے ابوالفضل ! کیا ہمیں تمام مسلمانوں میں رحمدل نہ ہونا چاہیے ؟ امیر المومنین بھی سفارش کرتے ہیں، چنانچہ اس حصے کو لیا گیا، چنانچہ مزید مال کی آمد سے پہلے ہی حضرت عمر (رض) نے بیان کرنا شروع کیا اور فرمایا کہ اللہ تعالیٰ نے صدقہ اپنے رسول پر حرام فرمایا اور اس کے بدلے میں خمس سے حصہ مقرر فرمایا، اور صدقہ آپ (صلی اللہ علیہ وآلہ وسلم) پر اور خصوصا آپ (صلی اللہ علیہ وآلہ وسلم) کے گھر والوں پر حرام کیا گیا امت پر نہیں چنانچہ ان پر حرام ہوا تھا اس کے بدلے رسول اللہ (صلی اللہ علیہ وآلہ وسلم) کے ساتھ ان کے لیے بھی حصہ مقرر فرمایا؛۔ (ابن المنذر)