11539 ۔۔۔ حضرت عمر (رض) فرماتے ہیں کہ اللہ تعالیٰ نے رسول اللہ (صلی اللہ علیہ وآلہ وسلم) کو اسی خاصیتوں کے ساتھ ممتاز فرمایا تھا کہ ان کے علاوہ کوئی ان خاصیات کا مالک نہ تھا، چنانچہ اللہ تعالیٰ نے اپنے رسول کو بنونضیر کا مال عطا فرمایا ، سو خدا کی قسم آپ (صلی اللہ علیہ وآلہ وسلم) نے اس مال کو تم پر ترجیح نہیں دی اور نہ تمہیں چھوڑ کر حاصل کیا بلکہ وہ مال بھی آپ (صلی اللہ علیہ وآلہ وسلم) نے تمہارے درمیان تقسیم درمیان تقسیم کردیا اور تمہاری طرف بھیج دیا یہاں تک کہ اس میں سے یہ مال باقی رہ گیا ہے اور رسول اللہ (صلی اللہ علیہ وآلہ وسلم) اس میں سے اپنے گھر والوں کا سال بھر کا خرچہ لیا کرتے تھے اور باقی ماندہ مال کو اللہ کے راستے میں خرچ فرمایا کرتے تھے۔ (عبدالرزاق، عدنی ، عبدبن حمید، بخاری ، مسلم ، ابوداؤد، ترمذیء نسائی، ابن مردویہ، سنن کبری بیھقی)