11553 ۔۔۔ بیہقی کہتے ہیں کہ ہمیں ابوعبید اللہ الحافظ نے خبردی اور کہا کہ ہمیں ابوبکر محمد بن داؤبن سلیمان العوفی نے خبردی اور کہا کہ ابوعلی محمد بن محمد بن الاشعث الکوفی کے سامنے مصر میں یہ روایت پڑھی گئی اور میں سن رہا تھا ، کہا ہم سے حدیث بیان کی ابوالحسن موسیٰ بن اسماعیل ابن موسیٰ بن جعفر بن محمد بن علی بن الحسین بن علی بن ابی طالب نے اور کہا کہ ہم سے حدیث بیان کی ابواسمعیل نے اپنے والد سے اور انھوں نے اپنے والد جعفر بن محمد سے اور انھوں نے اپنے والد سے اور انھوں نے اپنے والد علی بن الحسین سے اور انھوں نے اپنے والد حسین سے اور انھوں نے اپنے والد علی بن ابنی طالب (رض) سے فرمایا کہ رسول اللہ (صلی اللہ علیہ وآلہ وسلم) نے فرمایا کہ مال غنیمت میں سے غلام (جو کسی ملکیت ہو) کے لیے کوئی حصہ نہیں علاوہ گھیٹا مال کے، لیکن اس کا مان دینا جائز ہے اور عورت کا امان دینا بھی جائز ہے جب اس نے قوم کو امان دی ہو “۔ میں (صاحب کنزالعمال) کہتا ہوں کہ سنن کبری بیہقی کو اس روایت کو ابن الاشعث کے طریق روایت سے اہل بیت سے لانے میں ایک زبردست فائدہ ہے اور وہ یہ کہ سنن کنری میں بیہقی نے اس بات کا التزام کیا ہے کہ اپنی تصانیف میں کسی ایسی روایت کی تخریج نہ کریں گے جس کا موضوع ہونا معلوم ہو، خصوصا سنن کبری میں جو ان کی اجل تصنیفات میں سے ہے اور ہے بھی ابواب احکام پر مشتمل جس کی احادیث کی تخریج میں تساہل نہیں کیا جاسکتا حالانکہ میں ان احادیث کی روایت سے بچتا تھا جو سنن ابی الاشعث میں سے کیونکہ ان میں کلام کیا گیا ہے۔
ذیبی نے میزان میں کہا ہے کہ ” محمد بن محمد بن الاشعث الکوفی ابوالحسن جو مصر میں آکر مقیم ہوگئے تھے (ابن عدی) وہ کہتے ہیں میں نے اس سے احادیث لکھی ہیں اس پر شدت تشیع طاری تھی وہ ہمارے پاس ایک نسخہ لائے جس میں موسیٰ بن اسماعیل بن موسیٰ بن جعفر عن ابیہ عن جدہ عن آباء (کی سند سے) ایک ہزار کے قریب روایات تھیں خط طری میں لکھی ہوئی عام طور سے منکر روایات تھی میں نے یہ بات جناب حسین بن علی بن حسین علوی سے ذکر کردیں جو کہ مصر میں، اہل بیت کے شیخ تھے وہ کہنے لگے کہ یہ (ابن الاشعث) مدینے میں چالیس سال میرا پڑوسی رہا مگر اس نے مجھ سے کبھی ذکر کیا اس کے پاس اپنے باپ یا اور کسی کی کچھ روایات ہیں اس کے نسخے میں اس قسم کی لغوروایات بھی تھیں۔ مثلا
1 ۔۔۔ ارشاد نبوی ہے کہ بہترین نگینہ بلور ہے۔
2 ۔۔۔ بدترین زمین ان امیروں کے گھر ہیں جو حق پر فیصلے نہیں کرتے۔
3 ۔۔۔ تین قسم کے لوگوں پر سے رحمت ختم کردی گئی شکاری ، قصائی اور جانوروں کے تاجر،
4 ۔۔۔ دھم (گھوڑوں کی ایک قسم) سے بہتر کوئی گھوڑا باقی رہنے والا نہیں۔
5 ۔۔۔ چچازاد بہن کی طرح کوئی عورت نہیں۔
اللہ کے ٖغضب کے حقدار
6 ۔۔۔ اللہ کا غضب ان پر بدترین ہے جو میرا خون بہائے اور مجھے میرے خاندان کے حوالے سے تکلیف دے، ابن عدی نے اس کی موضوعات ذکر کی ہیں میں نے دارقطنی سے اس کے بارے میں پوچھا تو انھوں نے کہا کہ یہ اللہ کی ایک نشانی ہے کہ اس نے ایک کتاب علویات گھڑی ہے۔
میزان کی عبارت ختم ہوئی۔
حافط ابن حجراء اللسان میں لکھتے ہیں کہ میں نے اس کتاب کے بعض حصے دیکھے ہیں اس نے اس کا نام سنن رکھا ہے اور ابواب پر مرتب کیا ہے اور تمام احادیث ایک سند سے ہیں۔ (انتھی)