١١٥٧۔۔ اللہ فرماتے ہیں جس نے میرے ولی کو ایذاء دی اس نے مجھ سے جنگ مول لے لی۔ اور کوئی بندہ میرے فرائض کی ادائیگی کے سوا کسی اور چیز کے ذریعہ مجھ سے زیادہ تقرب حاصل نہیں کرسکتا، اور میرا بندہ نوافل کے ذریعہ میرا تقرب حاصل کرتا رہتا ہے حتی کہ میں اس کو اپنا محبوب بنالیتاہوں پھر میں اس کی نگاہ بن جاتاہوں جس سے وہ دیکھتا ہے اور اس کا کان بن جاتاہوں جس سے وہ سنتا ہے اور اس کا ہتھ بن جاتاہوں جس سے وہ پکڑتا ہے اور اس کا پاؤں بن جاتاہوں جس سے وہ چلتا ہے اور اس کا دل بن جاتاہوں جس سے وہ سوچتا ہے اور اس کی زبان بن جاتاہوں جس سے وہ کلام کرتا ہے وہ مجھے پکارتا ہے تو میں اس کو جواب دیتاہوں اور مجھ سے سوال کرتا ہے تو میں اس کو عطا کرتا ہوں اور میں کسی چیز میں تردد کا شکار نہیں ہوتاسوائے اس کے کہ جب میرے بندے کا آخری وقت ہوتا ہے اور وہ موت کو ناپسند کرتا ہے جبکہ میں اس کی برائی کو ناپسند کرتا ہوں۔ مسنداحمد، الحکیم المسند لابی یعلی، الاوسط للطبرانی ، ابونعیم فی الطب، السنن للبیہقی ، ابن عساکر، بروایت عائشہ (رض)۔