11584 ۔۔۔ حشرج بن زیادالاشجعی اپنی دادی سے روایت کرتے ہیں فرماتی ہیں کہ انھوں نے خبیر میں رسول اللہ (صلی اللہ علیہ وآلہ وسلم) کے ساتھ مل کر جہاد کیا تھا، اور یہ چھ خواتین میں سے چھٹی تھیں، رسول اللہ (صلی اللہ علیہ وآلہ وسلم) کو جب یہ معلوم ہوا چنانچہ انھوں نے ہماری طرف پیغام بھیجا کہ تم کس کے حکم سے نکلیں ؟ اور ہم نے محسوس کیا کہ آپ (صلی اللہ علیہ وآلہ وسلم) غصے میں ہیں ہم نے وعرض کیا کہ ہم دوائیں وغیرہ لے کر آئیں ہیں جس سے ہم علاج کریں گی اور حصہ وصول کریں گی ، ستو پلائیں گی، اور جنگی اشعار سنائیں گی اور اللہ کے راستے میں مدد کریں گی، تو رسول اللہ (صلی اللہ علیہ وآلہ وسلم) نے فرمایا کہ کھڑی ہوجاؤ، فرماتی ہیں کہ ہم زخمیوں کو دوا وغیرہ دیتی تھیں اور ان کے لیے کھانا وغیرہ بناتی تھیں ، ان کو تیر وغیرہ دیتی تھیں اور دوا وغیرہ تیار رکھتیں تھیں اور جب جنگ خبیر میں فتح ہوگئی تو آپ (صلی اللہ علیہ وآلہ وسلم) نے ہمارے لیے بھی اسی طرح حصہ مقرر فرمایا جس طرح مزدوری کے لیے مقرر فرمایا تھا میں نے عرض کیا کہ اے دادی اماں ! وہ حصہ کیا تھا فرمایا کہ کھجوریں “ (ابن ابی شیبہ، ابن زنجویہ)