11596 ۔۔۔ حضرت عمر (رض) فرماتے ہیں کے رسول اللہ (صلی اللہ علیہ وآلہ وسلم) نے فرمایا کہ میں تمہیں پہلوؤں سے پکڑ پکڑ کر آگ میں گرنے سے بچارہا ہوں اور تم اس میں اس طرح گرے جارہے ہو جیسے پتنگے اور ٹڈیاں اور قریب ہے کہ تمہارے پہلوؤں کو چھوڑدہا جائے اور تمہیں حوض پر آنے دیا جائے تو تم میرے پاس علیحدہ علیحدہ یا جماعتوں کی شکل میں آؤگے سو میں تمہیں پہچان لوں گا تمہارے ناموں سے تمہاری علامتوں سے جیسے ایک شخص بہت سے اونٹوں میں اپنے اونٹوں کو پہچان لیتا ہے، سو تمہیں بائیں جانب لے جایا جائے گا اور میں تمہارے لیے منت سماجت کروں گا، اور عرض کروں گایارب ! میری امت تو اللہ تعالیٰ فرما ہیں گے کہ آپ کو نہیں معلوم کہ انھوں نے آپ کے بعد کیا کیا تھا، یہ آپکے بعد الٹے قدموں پھرگئے تھے، سو میں تم میں سے کسی ایسے شخص کو نہیں پہچانوں گا جو قیامت کے دن پکارتی ہوئی بکری اٹھائے ہوئے آئے گا اور فرمایا گا یامحمد یامحمد اور میں کہوں گا کہ میں تیرے لیے کچھ نہیں کرسکتا میں نے تو صاف صاف بتادیا تھا، اور میں کسی ایسے شخص کو نہ پہچانوں گا جو کسی چیختے ہوئے اونٹ کو اٹھائے ہوئے آئے گا اور پکارے گایا محمد یامحمد، تو میں اس سے کہوں گ ا کہ میں تیرے لیے کچھ نہیں کرسکتا میں تو صاف صاف بتادیا تھا اور نہ میں کسی ایسے شخص کو پہچانوں گا جو چیختے ہوئے گھوڑے کو اٹھائے ہوئے آئے گا اور پکارے یامحمدیامحمد تو میں کہوں گا کہ میں تیرے لیے کچھ نہیں کرسکتا “ میں نے تو صاف صاف بتادیا تھا اور میں اس شخص کو بھی نہ پہچانوں گا جو ایک چمڑے کا خشک ٹکڑا اٹھائے ہوئے آئے گا اور پکارے گا یامحمد یامحمد اور میں کہوں گا میں تیرے لیے کچھ نہیں کرسکتا میں نے تو صاف صاف بتادیا تھا “۔ (رامھرامری فی الامثال، اور سیاربن حاتم فی الرھد)