11609 ۔۔۔ بکر بن مراداعوربن مشامہ دردان بن مخزم اور ربیعہ بن رقیع العنبر یین سے روایت کرتے ہیں فرماتے ہیں کہ وہ لوگ جناب نبی کریم (صلی اللہ علیہ وآلہ وسلم) کی خدمت اقدس میں تشریف لائے آپ (صلی اللہ علیہ وآلہ وسلم) اپنے حجرے میں آرام فرما رہے تھے کہ اتنے میں عینیہ بن حصن بنو عنبر کے قیدی لے کر حاضر ہوئے تو ہم نے عرض کیا کہ یارسول اللہ (صلی اللہ علیہ وآلہ وسلم) ! یہ کیا ہمارے قبیلے کے قیدی جبکہ ہم تو آپ کی خدمت اقدس میں مسلمان ہو کر آئے ہیں ؟ آپ (صلی اللہ علیہ وآلہ وسلم) نے فرمایا کے تم قسم کھاؤ کہ تم مسلمان ہوگئے ہو، سو میں اور دردان ڈر گئے اور ربیعۃ نے قسم کھائی “۔