11617 ۔۔۔ ابو مجلز وغیرہ فرماتے ہیں کہ حضرت عمر (رض) نے عثمان بن حنیف کو سواد کا خراج وصول کرنے بھیجا اور ان کا روزانہ کا وظیفہ چوتھائی بکری اور پانچ درھم مقرر فرمائے ، اور حکم دیا کہ پورے سواد کی پیمائش کرلیں خواہ علاقہ آباد ہو یا بنجر البتہ شورزدہ زمین ، ٹیلوں، جھاڑیوں اور تالابوں کی پیمائش نہ کریں اور ان جگہوں کی جہاں پانی پہنچتا ہے چنانچہ حضرت عثمان (رض) بن حنیف نے جبل کے علاوہ سارے علاقے کی پیمائش کی یعنی حلوان سے لے کر عرب سرزمین تک جو فرات کے زیریں علاقے میں واقعے ہے، اور حضرت عمر (رض) کو لکھا کہ ہر وہ چیز جہاں تک پانی پہنچتا ہے خواہ آباد ہو یا بنجر اس کو میں چھتیس کروڑ جریب پایا اور حضرت عمر (رض) کا پیمانہ ایک ذراع ایک مٹھی اور ایک مڑا ہوا انگوٹھا ہوا کرتا تھا ، تو حضرت عمر (رض) نے لکھا کہ ہر جریب خواہ آباد ہو یا بنجر ، اس پر کام ہوتا ہو یا نہ ایک درھم اور ایک قفیز مقررکرو، اور ترکھجوروں پر پانچ درھم اور دس قفیز مقرر کرو اور ان کھجور اور دیگر درختوں کے پھل کھلاؤ، اور فرمایا کہ یہ ان کے لیے ان کے شہروں کو آباد کرنے کے لیے خوراک ہوگی اور ذمیوں میں سے خوشحال پر اڑتالیس درھم اور اس سے کم پر چوبیس درھم مقرر کرو اور جس کے پاس کچھ نہ ہو تو اس پر بارہ درھم مقرر کرو، فرمایا کہ ایک معتمل درھم ہر ماہ کسی کو محتاج نہیں کرے گا، اور جو خراج ان پر مقرر کیا تھا اس کے بدلے ان سے غلامی کو دور کردیا اور اس کو زمین کا کرایہ بنادیا، چنانچہ پہلے سال سواد کوفہ کے خراج سے آٹھ کروڑدرھم لیے گئے پھر آئندہ سال بارہ کروڑ درھم لے کرگئے اور یہ سلسلہ چلتارہا “۔ (ابن سعد)