11643 ۔۔۔ حضرت انس (رض) بن مالک اور سعید بن المسیب (رض) فرماتے ہیں کہ حضرت عمر (رض) نے مہاجرین کے لیے پانچ پانچ ہزار اور انصار کے لیے چار چار ہزار وظیفہ مقرر فرمایا، اور مہاجرین کی اولادوں میں سے جنہوں نے جنگ بدر میں شرکت نہ کی تھی ان کا بھی چار ہزار وظیفہ مقررہوا۔
ان میں عمر بن ابی سلمۃ بن عبدالاسد المخزومی، اسامہ بن زید محمد بن عبداللہ بن جحش الاسدی، اور عبداللہ بن عمر (رض) شامل تھے، حضرت عبدالرحمٰن بن عوف (رض) فرمایا کہ ابن عمر تو ان میں سے نہیں ہے وہ تو وہ تو۔ حضرت ابن عمر (رض) نے فرمایا کہ اگر میرا حق بنتا ہے تو عطا فرما دیجئے ورنہ رہنے دیجئے تو حضرت عمر (رض) نے حضرت عبدالرحمٰن بن عوف (رض) سے فرمایا کہ اس کا حصہ بھی پانچ ہزار لکھ دو اور میرا چار ہزار لکھ دو ، حضرت عبداللہ (رض) بولے میں نہیں چاہتا تھا، تو حضرت عمر (رض) نے فرمایا کہ خدا کی قسم میں اور تو دونوں پانچ پانچ ہزار وصول نہیں کرسکتے “۔ ابن ابی شیبہ، متفق علیہ)