11645 ۔۔۔ حضرت ابوہریرہ (رض) فرماتے ہیں کہ وہ بحرین کے حکمران کے پاس گئے تو انھوں نے میرے ساتھ آٹھ لاکھ درھم حضرت عمر (رض) کی طرف بھیجے ، چنانچہ میں حضرت عمر (رض) کی خدمت میں پہنچا تو آپ (رض) نے دریافت فرمایا کہ کیا لے کر آئے ہو اے ابوہریرہ ! میں نے عرض کیا کہ آٹھ لاکھ دینار لایا ہوں، دریافت فرمایا کہ کیا تمہیں معلوم ہے کہ کیا کہہ رہے ہو ؟ تم تو ایک دیہاتی ہو، سو میں نے ہاتھون پر پورے پورے گن کر بتائے ہیں چنانچہ آپ (رض) نے مہاجرین کو طلب فرمایا اور مال کے بارے میں ان سے مشورہ فرمایا لیکن سب میں اختلاف ہوگیا تو آپ (رض) نے فرمایا کہ میرے پاس سے اٹھ جاؤیہاں تک کہ ظہر کے وقت ان کو دوبارہ طلب فرمایا، اور فرمایا کہ میں اپنے ساتھیوں میں سے ایک شخص کو ملاہوں اور اس سے مشورہ کیا ہے اور ان کی رائے مجھ پر منتشر نہیں ہوئی، پھر فرمایا کہ جو کچھ اللہ تعالیٰ نے علاقوں والوں سے اپنے رسول (صلی اللہ علیہ وآلہ وسلم) دیا ہے تو وہ اللہ ، اس کے رسول (صلی اللہ علیہ وآلہ وسلم) ان کے قرابت داروں، یتیموں، مسکینوں، اور مسافروں کا حق ہے، پھر حضرت عمر (رض) نے اس مال کو کتاب اللہ کے مطابق تقسیم فرمادیا “۔ (ابن ابی شیبہ)