11657 ۔۔۔ جہم بن ابی جہم کہتے ہیں کہ خالد بن عرفطۃ العذری حضرت عمر (رض) کے پاس آئے، حضرت عمر (رض) نے ان کے پیچھے رہ جانے والوں (گھربار اور قبیلے) کے بارے میں دریافت فرمایا، تو انھوں نے کہا کہ اے امیرالمومنین میں اپنے پیچھے ایسے لوگوں کو چھوڑآیاہوں جو آپ کی عمر میں برکت کی دعا مانگتے ہیں اللہ تعالیٰ سے، جو بھی قادسیہ گیا تھا اس کا وظیفہ سو اور دو ہزار یاپندرہ سو تک ہے، اور جو بھی نومولود بچہ یا بچی پیدا ہوئی ہے اس کا بھی وظیفہ سو اور دوجریب ہر ماہ مقرر کیا گیا ہو ہے، اور ہمارے ہاں جو بچہ بھی بالغ ہوا ہے اس کا وظیفہ پانچ سو سے چھ سو تک جاپہنچا ہے ، سو اگر یہ نکالے اپنے گھر والوں کے لیے جن میں سے بعض کھاتے ہیں بعض نہیں کھاتے تو آپ کا کیا خیال ہے ؟ کیا وہ ان چیزوں میں خرچ کرے جو مناسب ہیں اور ان میں بھی جو مناسب نہیں ؟
حضرت عمر (رض) نے فرمایا کہ اللہ ہی مددگار ہے، یہ تو انہی کا حق ہے ان کودے دو ، اور میں خوش قسمت ہوں کہ میں نے یہ لے کر ان کو ان کا حق ادا کردیا ہے، سو اس پر میری تعاریف نہ کرو کیونکہ اگر یہ خطاب کے مال سے ہوتا تو میں اس کو ہرگز نہ دیتا، لیکن میں جانتاہوں کہ اس میں فضیلت ہے اور میں مناسب نہیں سمجھتا کہ اس کو ان سے روک رکھوں، سو اگر ان دیہاتیوں میں سے کسی کی عطا نکل گئی تو وہ اس سے بکریاں خریدلے اور اس کو اپنے جنگل میں رکھ لے، پھر اگر دوسری مرتبہ کسی کی عطانکل گئی تو اس سے غلام خرید لے اور اس کو بھی وہیں رکھے، کیونکہ میں (تجھے سمجھ آئے) اے خالد بن عرفطۃ ! اس بات سے ڈرتاہوں کہ میرے بعد ایسے لوگ آئیں گے جو اپنے زمانے میں عطاکومال نہ گنیں گے، سو اگر ان میں سے کوئی باقی ہوا، یا ان کی اولادوں میں سے تو ان کے لیے وہ چیز ہوگی جس کی وہ امید رکھتے اور اسی پر تکہ بیٹھے تھے، سو میری نصیحت تیرے لیے بھی وہی ہے جیسے اس شخص کے لیے جو اسلامی علاقوں کی انتہائی سرحد پر ہو حالانکہ تو میرے پاس ہی بیٹھا ہے، اور یہ اس لیے ہے کہ اللہ تعالیٰ نے ان کا معاملہ میرے حوالے کیا ہے رسول اللہ (صلی اللہ علیہ وآلہ وسلم) نے فرمایا کہ جو شخص اس حال میں مرا کہ اپنی رعایا سے دھوکا کرنے والا تھا وہ جنت کی خوشبو بھی سونگھ نہ سکے گا “۔ (ابن سعد)