11755 ۔۔۔ حضرت عبد الرحمن بن غنم (رض) فرماتے ہیں کہ حضرت عمرو بن العاص (رض) نے جب طاعون پھیلتا محسوس کیا تو بہت زیادہ خوف زدہ ہوگئے اور فرمایا کہ اے لوگو ! ان گھاٹیوں میں منتشر ہوجاؤ اور پھیل جاؤ کیونکہ اللہ کی طرف سے تم پر ایک چیز نازل ہوئی ہے جسے میں کوئی زبردست ڈانٹ یا کوئی طوفان ہی سمجھتا ہوں، حضرت شرحبیل بن حسنۃ (رض) نے فرمایا کہ ہم جناب رسول اللہ (صلی اللہ علیہ وآلہ وسلم) کے پاس تھے اور آپ تو زبردست غلط فہمی میں مبتلا ہیں، حضرت عمروبن العاص (رض) نے فرمایا کہ آپ نے سچ کہا، حضرت معاذ (رض) نے حضرت عمرو (رض) بن العاص (رض) سے مخاطب ہو کر فرمایا کہ آپ سے غلطی ہوئی یہ کوئی طوفان یا ڈانٹ وغیرہ نہیں ہے بلکہ یہ تو آپ کے رب کی رحمت اور تمہارے نبی (صلی اللہ علیہ وآلہ وسلم) کی دعا ہے اور تم سے پہلے صالحین کی وفات ہے، اے اللہ ! معاذ کی اولاد کو اس رحمت میں سے بھرپور حصہ عطا فرما “۔