11760 ۔۔۔ حضرت قتادہ (رض) حضرت انس (رض) سے روایت کرتے ہیں فرمایا کہ کچھ لوگ عکل اور عرینہ سے اسلام کا اظہار کرتے ہوئے آئے اور جناب رسول اللہ (صلی اللہ علیہ وآلہ وسلم) کی خدمت اقدس میں حاضر ہوئے اور عرض کیا کہ وہ لوگ دودھ پینے والے ہیں کسی سرسبز و شاداب زمین سے نہیں آئے چنانچہ مدینہ ان کو راس نہیں آیا اور انھوں نے اس کے بخار کی شکایت کی، چنانچہ نبی کریم (صلی اللہ علیہ وآلہ وسلم) نے ان کے لیے اونٹنی کا حکم دیا اور ایک چرواہے کا اور انھیں حکم دیا کہ وہ مدینہ سے نکل کر ان اونٹنیوں کا پیشاب اور دودھ پئیں سو وہ چل پڑے جب وہ گرم ریگستان کے کنارے پر پہنچے تو اسلام کو چھوڑ کر دوبارہ کافر ہوگئے اور یہ بات جناب نبی رسول اللہ (صلی اللہ علیہ وآلہ وسلم) تک پہنچی چنانچہ آپ (صلی اللہ علیہ وآلہ وسلم) نے ان کو پکڑنے کے لیے لوگ بھیجے سو ان کو پکڑ کر لایا گیا پھر ان کی آنکھوں میں سلائیاں پھروادی گئیں اور ان کے ہاتھوں اور پیروں کو کٹوادیا گیا اور ریگستان کے ایک کون میں گرم پتھروں پر ڈال دیا گیا یہاں تک کہ وہ مرگئے ، قتادہ کہتے ہیں کہ ہم تک یہ بات پہنچی کہ یہ آیت انہی کے بارے میں نازل ہوئی ” بیشک وہ جو اللہ اور اس کے رسول اللہ (صلی اللہ علیہ وآلہ وسلم) کے ساتھ جنگ کرتے ہیں “ آفرنگ۔ (سورة مائدہ آیت 33، مصنف عبدالرزاق)