12096 جب عرفہ کا دن (نویں ذی الحجہ ) ہوتا ہے تو اللہ تعالیٰ مخلص حجاج کرام کی مغفرت فرما دیتے ہیں، اور جب جمرہ عقبہ کی رمی کا دن ہوتا ہے تو اللہ تعالیٰ سائلین کی مغفرت فرما دیتے ہیں، پس جو مخلوق اس موقف میں حاصر ہوتی ہے ان سب کی اللہ تعالیٰ مغفرت فرما دیتے ہیں ۔
رواہ ابن حبان فی صحیحہ ، فی الضعفاء وابن عدی فی الکامل والدار قطنی فی غرائب مالک والدیلمی عن ابوہریرہ (رض) ۔
کلام : امام دار قطنی (رح) نے فرمایا کہ یہ ” حدیث منکر “ ہے، الحسن بن علی ابوعبدالغنی الازدی اس میں متفردراوی ہیں (امام ابن حبان (رح)) نے فرمایا کہ : الحسن بن علی ثقات راویوں سے موضوع احادیث بیان کرتا ہے، اور ابن عدی (رح) کا کہنا ہے کہ اس نے ایسی احادیث روایت کی ہیں کہ جن کی متابعت نہیں کی جاسکتی، اور ان کا کہنا ہے کہ میں نے سوائے پانچ حدیثوں کے اس کی کوئی حدیث نہیں دیکھی، اور جو روایت کی ہیں وہ بھی محتمل ہیں (کہ اس میں بھی کذب سے کام لیا ہو کیونکہ) کتنے مجہول ہیں جو پانچ حدیثوں میں بھی جھوٹ بولنا چاہتے ہیں۔ اور علامہ ابن الجوزی نے اس حدیث کی موضوعات میں شمار کیا ہے۔ دیکھئے ترتیب الموضوعات 598، اللآلی 124/2 ۔