12103 وقوف عرفہ کی رات، اللہ تعالیٰ آسمان دنیا پر نازل ہوتے ہیں اور تم پر فرشتوں کے سامنے فخریہ کہتے ہیں کہ : یہ میرے بندے ہیں، میرے پاس پراگندہ بال ہو کر آئے ہیں، میری رحمت کے امیدوار ہیں، پس اگر تمہارے گناہ ریت کے ذرات کے برابر (بارش) کے قطرات کے برابر اور درختوں کے برابر بھی ہوں تو وہ سب گناہ میں ضرور بخش دوں گا۔
اے میرے بندوں اس حال میں لوٹ جاؤ کہ تمہاری بخشش کردی گئی اور ان لوگوں کو بھی جن کے لیے تم نے سفارش کی۔ رواہ ابن عساکر عن انس (رض) ۔