12235 اے فاطمہ ! اپنی قربانی کے جانور کی طرف کھڑی ہوجاؤ ، اور اس کی قربانی کے وقت حاضر رہو، کیونکہ اس کے خون کے پہلے قطرے ہی کے وقت ر وہ گناہ جو تم نے کیے ہیں معاف کردیئے جائیں گے۔ اور یہ دعا پڑھنا :
ان صلاتی ونسکی ومحیای ومماتی للہ رب العلمین لا شریک لہ وبذلک امرت وانا اول المسلمین۔
ترجمہ : بیشک میری نماز اور میری ہر ایک عبادت اور میرا جینا اور مرنا اللہ تعالیٰ کے لیے ہے جو تمام جہانوں کا پروردگار ہے، اس کا کوئی شریک نہیں ہے، اور مجھ کو یہی حکم دیا گیا ہے، اور میں سب فرمان برداروں میں سے پہلا فرمان بردار ہوں۔
کہا گیا : اے اللہ کے رسول (صلی اللہ علیہ وآلہ وسلم) ! کیا یہ حکم آپ کے لیے اور آپ کے اہل بیت کے لیے خاص ہے ؟ تو رسول اللہ (صلی اللہ علیہ وآلہ وسلم) نے ارشاد فرمایا کہ : نہیں بلکہ یہ حکم ہمارے لیے بھی ہے اور تمام مسلمانوں کے لیے بھی عام ہے۔
رواہ الطبرانی فی الکبیر والحاکم فی المستدرک ” وتعقب “ والبیہقی عن عمران بن حصین (رض) ۔
کلام : بیہقی پر ذھبی (رح) نے نقد فرماتے ہوئے فرمایا راوی ابوحمزۃ بہت ہی ضعیف ہے اور اسماعیل لیس بذاک اعتبار کے قابل نہیں۔