12330 حضرت جبرائیل (علیہ السلام) حضرت ابراہیم (علیہ السلام) پر نازل ہوئے، اور انھیں لے کر چلے، پھر ظہر، مغرب اور عشاء اور فجر کی نماز مقام منیٰ میں ادا کیں، پھر انھیں منیٰ سے عرفات کی جانب لے چلے، پھر (جمع بین الصلاتین) ظہر اور عصر کی نمازیں ایک ساتھ پڑھیں، پھر وہاں وقوف کیا، یہاں تک کہ سورج غروب ہوگیا، پھر انھیں لے کر روانہ ہوئے، یہاں تک کہ مزدلفہ آئے تو وہاں نزول فرمایا، پھر وہاں رات گزاری ، اور پھر فجر کی نماز اتنے مختصر وقت میں پڑھی جتنا سرعت کے ساتھ مسلمانوں میں سے کوئی مسلمان نماز پڑھے، ۔ یعنی فجر کی نماز بہت مختصر کرکے پڑھی جتنا کہ کوئی جلدی اسے پڑھ سکتا ہو پھر وہاں وقوف کیا اتنی دیر کہ جتنی دیر میں کوئی مسلمان سست رفتار سے نماز ادا کرے، پھر انھیں لے کر روانہ ہوئے یہاں تک کہ جمرات کی طرف پہنچے تو ان پر کنکریاں پھینکی ، پھر ذبح (قربانی) کی، اور سر منڈایا پھر انھیں لے کر بیت اللہ آئے، اور بیت اللہ کا طواف کیا، پھر انھیں لے کر (دوباری) منیٰ لوٹے، پھر وہاں ان دنوں میں قیام کیا، پھر اللہ تعالیٰ نے محمد (صلی اللہ علیہ وآلہ وسلم) پر وحی نازل فرمائی کہ :
” آپ ابرایم کے طریقے پر جو بالکل ایک (خدا) کی طرف ہورہے تھے ، چلئے “
البیہقی فی شعب الایمان عن ابن عمرو (رض) ۔
کلام : یہ بیہقی نے مرفوعاً اور موقوفاً دونوں سند سے روایت کی ہے، اور انھوں نے موقوف کو محفوظ کہا ہے۔