12345 کیا تم جانتے ہو کہ یہ کونسا دن ہے ؟ اور کونسا مہینہ ہے ؟ اور کونسا شہر ہے ؟ تو صحابہ کرام (رض) نے جواب دیا : یہ محترم شہر (مکہ) ہے، اور محترم مہینہ (ذوالحجہ) ہے اور محترم دن (عرفہ) ہے تو آپ (صلی اللہ علیہ وآلہ وسلم) نے ارشاد فرمایا کہ : آگاہ رہو ! بیشک تمہارے خون اور تمہارے مال تم پر ایسے ہی محترم ہیں، جیسے کہ تمہارے اس دن (عرفہ) میں ہیں، اور تمہارے اس مہینہ (ذوالحجہ) میں اور تمہارے اس شہر (مکہ ) میں محترم ہیں (آگاہ رہو ! ) میں تم سے حوض (کوثر) پر آگے بڑھنے والا ہوں گا، تمہیں دیکھوں گا اور دوسری امتوں کے سامنے تم پر فخر کروں گا، لہٰذا مجھے رسوانہ کردینا۔
آگاہ رہو ! تم نے مجھے دیکھا ہے، اور مجھ سے (احکامات الٰہی) سنے ہیں، اور میرے بارے میں تم سے پوچھا جائے گا، پس جس شخص نے مجھ پر جھوٹ باندھا تو وہ اپنا ٹھکانا جہنم بنائے۔
آگاہ رہو ! میں بہت سے لوگوں کو (جہنم سے) نجات دلاؤں گا۔ اور کئی لوگ میرے ذریعہ (جہنم سے) چھٹکارا پائیں گے۔ اور میں کہوں گا اے پروردگار ! میرے ساتھی ؟ تو اللہ تعالیٰ ارشاد فرمائیں گے کہ ” تم نہیں جانتے کہ تمہارے بعد انھوں نے کیا کیا چیزیں گھڑیں۔ “
رواہ احمدفی مسندہ عن رجل من الصحابہ وابن ماجہ عن ابی مسعود (رض) ۔