12373 جس شخص نے بارادہ میری زیارت کی ، تو قیامت کے روز وہ میرے پڑوس میں ہوگا اور جس شخص نے مدینہ منورہ میں رہائش اختیار کی اور مدینہ کے مصائب پر صبر کیا تو قیامت کے روز میں اس کے حق میں گواہ اور سفارشی ہوں گا، اور جو شخص دونوں حرموں میں سے کسی ایک حرم میں انتقال کرجائے تو قیامت کے روز اللہ تعالیٰ اس کو امن والوں میں اٹھائیں گے۔
کلام : یہی روایت بیہقی (رح) نے السنن الکبری میں بھی روایت کی ہے اور فرمایا ہے اس کی سند مجہول ہے۔ 245/5 ۔