12414 محمد بن اسحاق سے مروی ہے کہ میرے والد اسحاق نے عکرمہ (رح) سے سوال کیا اور میں بھی ان کی گفتگو سن رہا تھا کہ تلبیہ پڑھنا کب موقوف ہوتا ہے ؟ تو عکرمہ (رح) نے فرمایا : رسول اللہ (صلی اللہ علیہ وآلہ وسلم) نے رمی جمرۃ کرنے تک تلبیہ پڑھا یونہی ابوبکر، عمر اور عثمان (رض) نے کیا (یعنی رمی جمار کرنے سے پہلے تلبیہ ختم کردیا) محمد بن اسحاق (رح) فرماتے ہیں : مجھے حکیم بن حمید بن عثمان بن العاصف نے بیان کیا، فرمایا میں نے ایک شخص کو بیان کرتے ہوئے سنا کہ ابن عباس (رض) حضرت ابن عمر (رض) سے روایت کرتے ہیں کہ ان کے والد یعنی حضرت عمر (رض) جب صبح کو منیٰ سے نکلتے تو تلبیہ موقوف فرما دیتے ۔ اور سبحان اللہ العظیم پڑھتے رہتے۔
نیز ابن عمر (رض) فرماتے ہیں کہ میں حضرت عمر بن خطاب (رض) کی خدمت میں عرفہ کی رات حاضر ہوا۔ آپ (رض) جفنہ (پانی کے ٹب) کے پاس بیٹھے ہوئے تھے، آپ کے لیے پانی بہایا جارہا تھا اور آپ غسل فرما رہے تھے اور آپ مسلسل تلبیہ پڑھ رہے تھے حتیٰ کہ آپ غسل سے فارغ ہوگئے۔ ابن جریر۔