12420 عمرہ بن معد یکرب سے مروی ہے کہ ہمیں رسول اکرم (صلی اللہ علیہ وآلہ وسلم) نے (تلبیہ یوں) سکھایا :
لبیک اللھم لبیک، اللھم لبیک لبیک لا شریک لک لبیک ان الحمد والنعمۃ لک والملک لا شریک لک۔
” حاضر ہیں ہم اے اللہ ! ہم حاضر ہیں، اے اللہ ! ہم حاضر ہیں، ہم حاضر ہیں، تیرا کوئی شریک نہیں، ہم حاضر ہیں، بیشک تمام تعریفیں اور نعمتیں تیرے لیے ہیں اور ساری بادشاہی تیری ہی ہے، تیرا کوئی شریک نہیں۔ “
عمرو بن معدیکرب فرماتے ہیں : ہم جاہلیت کے زمانے میں لوگوں کو عرفات کے میدان میں کھڑا ہونے سے روکتے تھے اس ڈر سے کہ کہیں ہمیں جن نہ اچک لیں ۔ تو رسول اکرم (صلی اللہ علیہ وآلہ وسلم) نے ہمیں ارشاد فرمایا : لوگوں کو (میدان عرفات) عرفہ میں جانے کا راستہ چھوڑ دو خواہ وہ بطن محسر میں عرفہ کی رات ٹھہریں اور ارشاد فرمایا بطن عرفہ کو عبور کرلو جن جب مسلمان ہوگئے ہیں تو وہ اب تمہارے بھائی بن گئے ہیں۔ یعقوب بن سفیان، الشاشی، البغوی، ابن مندہ، ابن عساکر۔