12433 (مسند عمر (رض)) حضرت ابن عمر (رض) سے مروی ہے کہ جب یہ دو شہر (عراق اور بصرہ وغیرہ) فتح ہوگئے تو لوگ حضرت عمر (رض) کے پاس حاضر خدمت ہوئے اور عرض کیا : اے امیر المومنین ! رسول اللہ (صلی اللہ علیہ وآلہ وسلم) نے اہل نجد کے لیے ” قرن “ کو میقات مقرر کیا تھا جبکہ یہ ہمارے راستے سے ہٹ کر ہے اور اگر ہم ” قرن “ کا قصد کرتے ہیں تو ہمیں دشوار پڑتا ہے۔ تو حضرت عمر (رض) نے فرمایا : اس کے مقابلے میں جو مقام تمہارے اپنے راستے میں پڑتا ہے اس کو دیکھ لو۔ چنانچہ پھر حضرت عمر (رض) نے ان کے لیے ذات عرق کو میقات مقرر کردیا۔ مصنف ابن ابی شیبہ، البخاری، السنن للبیہقی۔