12457 حضرت زید بن اسلم (رض) سے مروی ہے کہ ایک شخص حضرت ابن عمر (رض) کی خدمت میں حاضر ہوا اور پوچھا : رسول اللہ (صلی اللہ علیہ وآلہ وسلم) نے کس حج کا تلبیہ پڑھا ؟ حضرت ابن عمر (رض) نے فرمایا : حج کا (یعنی حج افراد کا) آدمی نے کہا : انس بن مالک (رض) فرماتے ہیں کہ حضور (صلی اللہ علیہ وآلہ وسلم) نے حج قران کیا۔ حج وعمرہ دونوں کا تلبیہ پڑھا۔ حضرت ابن عمر (رض) نے فرمایا : انس بن مالک تو اس وقت عورتوں کے پاس آتے جاتے تھے اور وہ کھلے سر ہوتی تھیں یعنی انس اس وقت بچے تھے جبکہ میں حضور (صلی اللہ علیہ وآلہ وسلم) کی اونٹنی کے نیچے ہوتا تھا اور مجھ پر اسی اونٹنی کا لعاب کرتا تھا، میں آپ (صلی اللہ علیہ وآلہ وسلم) کو صرف حج کا تلبیہ پڑھتے سنتا تھا۔ ابن عساکر
روایت مذکورہ کے راوی ثقہ ہیں۔