12488 عبداللہ بن شقیق سے مروی ہے کہ حضرت عثمان (رض) حج تمتع سے لوگوں کو روکتے تھے اور حضرت علی (رض) حج تمتع کا فتویٰ دیتے تھے۔ حضرت عثمان (رض) نے ان کو کوئی بات کہی ، حضرت علی (رض) نے ارشاد فرمایا : میں تو یہ بات جانتا ہوں کہ رسول اللہ (صلی اللہ علیہ وآلہ وسلم) نے حج تمتع کیا تھا۔ دوسرے الفاظ روایت یہ ہیں :
آپ جانتے ہیں کہ ہم نے رسول اللہ (صلی اللہ علیہ وآلہ وسلم) کے ساتھ تمتع کیا تھا۔ تو حضرت عثمان (رض) نے فرمایا : لیکن ہم (اس وقت دشمن سے) خوف زدہ تھے۔ مسند احمد، ابوعوانۃ، الطحاوی، السنن للبیہقی