12491 (مسند عمر (رض)) حضرت ابن عمر (رض) سے مروی ہے کہ میں نے حضرت عمر (رض) کے ساتھ بیت اللہ کا طواف کیا۔ جب ہم نے ایک طواف مکمل کرلیا تو دوسرے طواف میں شروع ہوگئے۔ میں نے حضرت عمر (رض) کو عرض کیا : ہمیں شک پڑتا ہے۔ حضرت عمر (رض) نے فرمایا : مگر مجھے شک نہیں پڑتا لیکن میں نے رسول اللہ (صلی اللہ علیہ وآلہ وسلم) کو قران کرتے دیکھا تھا (یعنی حج وعمرہ دونوں طواف ایک ساتھ کرتے دیکھا تھا) اور میں بھی چاہتا ہوں کہ حج قران کروں۔ الشاشی، السنن للبیہقی، السنن، لسعید بن منصور