12498 ابوالعطاف طارق بن مطر بن طارق الطائی المحصی سے مروی ہے کہ مجھے میرے والد نے بیان کیا کہ ہمیں صمصامہ اور ضنینہ جو طرماح کے بیٹے ہیں دونوں نے بیان کیا کہ ہمیں ابو الطرماح نے بیان کیا کہ میں نے حسین بن علی (رض) کو فرماتے ہوئے سنا :
حضرت حسین (رض) فرماتے ہیں : ہم طواف میں حضور اکرم (صلی اللہ علیہ وآلہ وسلم) کے ساتھ تھے کہ بارش برس گئی حضور (صلی اللہ علیہ وآلہ وسلم) ہماری طرف متوجہ ہوئے اور ارشاد فرمایا : نئے سرے سے عمل کرو کیونکہ تمہارے پچھلے سب گناہ معاف ہوگئے ہیں۔ الشیرازی فی الالقاب ، ابن عساکر
کلام : ابن عساکر (رح) فرماتے ہیں یہ روایت انتہائی ضعیف ہے، اس کو میں نے صرف اسی طریق سے لکھا ہے۔