12506 (مسند صدیق (رض)) عیسیٰ بن طلحہ ایک آدمی سے روایت کرتے ہیں جس نے رسول اللہ (صلی اللہ علیہ وآلہ وسلم) کو حجراسود کے پاس کھڑے دیکھا اور سنا کہ آپ (صلی اللہ علیہ وآلہ وسلم) ارشاد فرما رہے ہیں : میں جانتا ہوں کہ تو محض ایک پتھر ہے تو نہ نقصان پہنچا سکتا ہے اور نہ نفع دے سکتا ہے پھر آپ (صلی اللہ علیہ وآلہ وسلم) نے حجراسود کو بوسہ دیا۔
راوی کہتے ہیں پھر حضرت ابوبکر (رض) نے (جب) حج کیا تو وہ بھی حجراسود کے پاس کھڑے ہوئے اور فرمایا : میں جانتا ہوں کہ تو محض ایک پتھر ہے، تو نہ نقصان دے سکتا اور نہ نفع پہنچا سکتا اور اگر میں نے رسول اللہ (صلی اللہ علیہ وآلہ وسلم) کو تجھے بوسہ دیتے ہوئے نہ دیکھا ہوتا تو میں بھی تجھے بوسہ نہ دیتا۔
مصنف ابن ابی شیبہ، الدار قطنی فی العلل، روایۃ العلل۔