12511 یعلی بن امیہ سے مروی ہے، فرمایا : میں نے حضرت عمر (رض) کے ساتھ طواف کیا آپ (رض) نے رکن (یمانی) کا استلام کیا۔ استلام ہاتھ سے چھونا جبکہ میں بیت اللہ کے قریب تھا۔ جس ہم رکن غربی کے پاس پہنے جو حجرا سود کے ساتھ ہے تو میں نے حضرت عمر (رض) کا ہاتھ پکڑ کر اس رکن غربی پر رکھ دیا تاکہ وہ بھی اس کو چھولیں۔ حضرت عمر (رض) نے فرمایا : کیا چاہتا ہے تو ؟ میں نے کہا : کیا آپ اس کا استلام نہیں کریں گے ؟ حضرت عمر (رض) نے فرمایا : کیا تو نے رسول اللہ (صلی اللہ علیہ وآلہ وسلم) کے ساتھ طواف نہیں کیا ؟ میں نے عرض کیا : کیا ہے۔ آپ (رض) نے پوچھا : کیا تو نے آپ (صلی اللہ علیہ وآلہ وسلم) کو ان دونوں مغربی جانبوں کا استلام کرتے دیکھا تھا ؟ میں نے عرض کیا : نہیں۔ تو حضرت عمر (رض) نے ارشاد فرمایا : تو کیا تیرے لیے نبی کے طریقے میں اچھا نمونہ نہیں ہے ؟ میں نے کہا : کیوں نہیں، ضرور ۔ تب حضرت عمر (رض) نے فرمایا : تب اس سے درو ہٹ جا۔ مصنف ابن ابی شیبہ، مسنداحمد، العدنی، الازدی، مسند ابی یعلی، الاوسط للطبرانی، السنن لسعید بن منصور۔