12532 ابن عباس (رض) سے مروی ہے کہ امن کے موقع پر جبکہ ابھی مسلمانوں اور مشرکین کے درمیان صلح نہیں ہوئی تھی، حضور (صلی اللہ علیہ وآلہ وسلم) اور آپ کے اصحاب مکہ تشریف لائے مشرکین اس وقت حجراسود کے قریب باب الندوہ کے قریب تھے، انھوں نے بات چیت میں کہا کہ رسول اللہ (صلی اللہ علیہ وآلہ وسلم) کو مشقت اور کمزوری آگئی ہے۔ مسلمان جب استلام کرنے لگے تو رسول اللہ (صلی اللہ علیہ وآلہ وسلم) نے ان کو فرمایا : یہ لوگ بات چیت کرتے ہیں کہ تمہارے اندر مشقت اور کمزوری آگئی ہے، لہٰذا تین چکراکڑ اکڑ کر کاٹو تاکہ یہ سمجھ جائیں کہ تم قوت والے ہو۔ چنانچہ مسلمانوں نے جب استلام حجر کرلیا تو پھر اپنے قدموں کو اٹھانے لگے۔ بعض نے بعض کو کہا کہ تم جانتے ہو کہ وہ لوگ تم کو کمزور سمجھ رہے ہیں لہٰذا وہ صرف چلنے سے مطمئن نہ ہوں گے بلکہ دوڑ کر چلو۔ مصنف ابن ابی شبیہ