12561 ابن عمر (رض) سے مروی ہے کہ نبی اکرم (صلی اللہ علیہ وآلہ وسلم) نے عرفہ کی رات بلال (رض) کو فرمایا : لوگوں کو پکارو کہ چپ ہوجائیں۔ چنانچہ حضرت بلال (رض) نے لوگوں میں آواز لگائی : چپ ہوجاؤ اور بات سنو ۔ پھر رسول اللہ (صلی اللہ علیہ وآلہ وسلم) نے ارشاد فرمایا :
اللہ تعالیٰ نے تمہارے اس مجمع پر عنایت و توجہ فرمائی ہے، پس تمہاری برائیوں کو اچھائیوں سے بدل دیا اور ہر اچھائی والے کو جو وہ سوال کرے عطا فرمایا ہے پس اللہ کی برکت کے ساتھ (عرفات کی طرف) کوچ کرو۔ نیز فرمایا : اللہ تبارک وتعالیٰ اہل عرفہ کے ساتھ ملائکہ پر عمومی فخر فرماتے ہیں اور عمر (رض) کے ساتھ ملائکہ پر خصوصی فخر فرماتے ہیں۔ ابن عساکر