12565 حضرت علی (رض) سے مروی ہے آپ (رض) نے عرفات کے روز ارشاد فرمایا : میں اس موقف (عرفات کے قیام) کو نہیں چھوڑوں گا جب تک اس کا راستہ پاؤں گا کیونکہ روئے زمین پر کوئی دن ایسا نہیں ہے جس دن عرفہ کے دن سے زیادہ لوگ جہنم سے آزاد کیے جاتے ہوں۔ پس اس دن کثرت سے یہ دعا پڑھا کرو :
اللھم اعتق رقبتی من النار، واوسع لی فی الرزق الحلال واصرف عنی فسقۃ الجن والانس فانہ عامۃ ماادعوک بہ۔
اے اللہ ! میری گردن جہنم کی آگ سے آزاد کر، میرے لیے رزق حلال میں وسعت دے اور جن وانس کے فساق کو مجھ سے دور کردے۔ یہ دعا میں تجھ سے ہر دم کرتا ہوں۔ ابن ابی الدنیا فی الاضاحی