12672 ججیۃ بن عدی حضرت علی (رض) سے روایت کرتے ہیں، ارشاد فرمایا : گائے سات افراد کی طرف سے کافی ہے۔ حجیۃ کہتے ہیں میں نے پوچھا : اگر گائے (عین موقع ذبح پر) بچہ دیدے ؟ تو حضرت علی (رض) نے ارشاد فرمایا : اس کا بچہ بھی اس کے ساتھ ذبح کردے۔ میں نے پوچھا : اور لنگڑے جانور کا کیا حکم ہے ؟ حضرت علی (رض) نے ارشاد فرمایا : جب وہ جائے ذبح (مذبح خانہ) میں جاسکے تو اس کو ذبح کردے۔ میں نے پوچھا : ٹوٹے ہوئے سینگ والے جانور کی قربانی ؟ فرمایا : کوئی حرج نہیں ہے ، ہمیں رسول اللہ (صلی اللہ علیہ وآلہ وسلم) نے حکم فرمایا ہے کہ ہم جانور کی دونوں آنکھیں اور دونوں کان اچھی طرح دیکھ لیں۔
ابوداؤد ، ابن وھب، الدارمی، الترمذی، حسن صحیح، النسائی ، ابن ماجہ ابن ابی الدنیا فی الاضاحی، مسند ابی یعلی، ابن خزیمہ ابن حبان ، الدارقطنی فی الافراد، الدورقی، مستدرک الحاکم ، السنن للبیہقی ، السنن لسعید بن منصور۔