12778 ابن عمر (رض) سے مروی ہے کہ حضرت عمر (رض) نے طلحہ بن عبید اللہ پر ایک کپڑا دیکھا جو گیرو سے رنگا ہوا تھا ، حالانکہ آپ حالت احرام میں تھے۔ چنانچہ حضرت عمر (رض) نے حضرت طلحہ (رض) سے پوچھا : اے طلحہ ! یہ رنگا ہوا کپڑا کیسے ؟ انھوں نے عرض کیا : امیر المومنین ! اس میں کوئی حرج نہیں ہے۔ یہ مدر (منی ) سے رنگا ہوا ہے۔ حضرت عمر (رض) نے ارشاد فرمایا : اے گروہ (صحابہ ! ) لوگ تمہاری اقتداء کرتے ہیں۔ اگر کوئی جاہل شخص اس کپڑے کو دیکھے گا تو کہے گا کہ طلحہ بن عبید اللہ حالت احرام میں رنگ شدہ کپڑے پہنتے ہیں، اے گروہ (صحابہ ! ) حالت احرام میں ان رنگ شدہ کپڑوں میں سے کوئی کپڑا نہ پہنو۔ مالک، ابن المبارک ، مسدد، السنن للبیہقی۔