12790 عبداللہ بن عامر بن ربیعہ سے مروی ہے کہ میں نے عثمان بن عفان (رض) کو عرج مقام میں دیکھا۔ آپ (رض) گرمی کے زمانہ میں حالت احرام میں تھے۔ اپنا چہرہ آپ (رض) نے ار جوانی چادر کے ساتھ ڈھانپ رکھا تھا۔ پھر آپ کی خدمت میں ایک شکار کا گوشت پیش کیا گیا۔ آپ (رض) نے اپنے اصحاب کو فرمایا : تم لوگ اس کو کھالو ۔ انھوں نے کہا : آپ نہیں کھائیں گے تو ہم بھی کھانے والے نہیں۔ تب حضرت عثمان (رض) نے فرمایا : میں تمہاری طرح نہیں ہوں کیونکہ یہ میرے لیے شکار کیا گیا ہے۔
مالک ، الشافعی ، السنن للبیہقی