١٢٨١۔۔ شیطان نے نماز میں میرے سامنے سے گزرناچاہا میں نے اس کو گردن سے دبوچ لیا۔۔ حتی کہ میں نے اس کی زبان کی خنکی اپنے ہاتھ پر محسوس کی۔ اور اللہ کی قسم اگر میرے بھائی سلیمان کی بات نہ ہوتی تو وہ مسجد کے ستونوں میں سے کسی ستون کے ساتھ بندھا ہوتا اور مدینہ کے بچے اس کے گرد گھومتے۔ الدارقطنی ، طبرانی، بخاری و مسلم، بروایت جابر بن سمرہ۔ حضرت سلیمان کو جنوں پر حکومت حاصل تھی، اور انھوں نے دعا فرمائی کہ یا اللہ مجھے ایسی سلطنت عطا فرماجو میرے بعد کسی کو میسر نہ ہو اس وجہ سے حضور نے ابلیس جن کونہ پکڑا کہ کہیں ان کی اس حکمرانی میں ایک گونہ مجھے شرکت حاصل نہ ہو۔ یہ محض محبت اور قلبی تعلق کی خاطر آپ نے ایسا فرمایا۔