12866 طارق بن عبدالرحمن سے مروی ہے کہ میں نے سعید بن المسیب (رح) کو عرض کیا : ایک آدمی مرگیا اور اس نے حج نہیں کیا تو اگر اس کا بیٹا اس کی طرف سے حج کرلے تو کیا اس کے باپ کے لیے کافی ہوسکتا ہے ؟ حضرت سعید (رض) نے فرمایا : ہاں وہ دین کی طرح ہے۔ پھر فرمایا : یہ (مسئلہ) نبی کریم (صلی اللہ علیہ وآلہ وسلم) کے عہد میں بھی تھا آپ (صلی اللہ علیہ وآلہ وسلم) نے اس کی اجازت عطا فرمائی تھی کہ اس کی طرف سے حج کیا جاسکتا ہے۔ ابن جریر