12868 براء (رض) سے مروی ہے کہ رسول اللہ (صلی اللہ علیہ وآلہ وسلم) اور آپ کے اصحاب (حج کے ارادے سے) نکلے۔ ہم نے حج کا احرام باندھ لیا۔ جب ہم مکہ پہنچے تو حضور (صلی اللہ علیہ وآلہ وسلم) نے ارشاد فرمایا : اپنے حج کو عمرہ کرلو۔ لوگوں نے عرض کیا : یارسول اللہ ! ہم نے حج کا احرام باندھا ہے، ہم اس کو عمرہ کیسے بنائیں ؟ رسول اللہ (صلی اللہ علیہ وآلہ وسلم) نے فرمایا : تم یہ دیکھو میں کیا حکم کررہا ہوں، تم اس کی تعمیل کرو۔ لیکن لوگوں نے پھر وہی بات دہرائی تو آپ (صلی اللہ علیہ وآلہ وسلم) غضب ناک ہوگئے اور غصہ کی حالت میں چل کر حضرت عائشہ (رض) کے پاس تشریف لے گئے۔ حضرت عائشہ (رض) نے پوچھا : آپ کو کس نے غصہ دلایا اس پر اللہ کا غصہ اترے ؟ حضور (صلی اللہ علیہ وآلہ وسلم) نے فرمایا : میں کیوں غصہ نہ ہوؤں جبکہ میں حکم کرتا ہوں تو میری اتباع نہیں کی جاتی۔ النسائی