12872 (مسند ابی بکر الصدیق (رض)) قاسم بن محمد اپنے والد سے وہ ان کے دادا حضرت ابوبکر صدیق (رض) سے روایت کرتے ہیں، حضرت ابوبکر (رض) فرماتے ہیں وہ نبی اکرم (صلی اللہ علیہ وآلہ وسلم) کے ساتھ حج کے لیے نکلے، ان (ابوبکر (رض)) کے ساتھ (ان کی بیوی) اسماء بنت عمیس (رض) بھی تھیں جس نے (مقام) شجرۃ کے پاس محمد بن ابی بکر کو جنم دیا۔
حضرت ابوبکر (رض) حضور (صلی اللہ علیہ وآلہ وسلم) کی خدمت میں حاضر ہوئے اور آپ کو خبر دی آپ (صلی اللہ علیہ وآلہ وسلم) نے ان کو فرمایا کہ وہ اسماء غسل کرلے پھر حج کا احرام باندھ لے اور جو افعال دوسرے لوگ کریں وہ بھی کرتی رہے سوائے بیت اللہ کے طواف کرنے کے۔
النسائی ، ابن ماجہ ، ابن خزیمہ ، البزار
ابن المدینی (رح) فرماتے ہیں روایت مذکورہ منقطع ہے کیونکہ محمد کے والد حضرت ابوبکر (رض) کی جب وفات ہوئی تو محمد اس وقت تین سال کے بچے تھے اور پھر قاسم نے بھی اپنے باب محمد کو نہیں پایا۔