12875 حارث بن عبداللہ بن اوس ثقفی (رض) سے مروی ہے، فرماتے ہیں : میں نے حضرت عمر بن خطاب (رض) سے سوال کیا کہ اس عورت کا کیا حکم ہے، جو (مکہ سے واپسی کا) کوچ کرنے سے قبل حائضہ ہوجائے ؟ حضرت عمر (رض) نے فرمایا : اس کو آخری عمل بیت اللہ کا طواف کرنا چاہیے۔ حارث (رض) نے عرض کیا : رسول اللہ (صلی اللہ علیہ وآلہ وسلم) نے بھی مجھے اسی طرح فتویٰ دیا تھا۔ تب حضرت عمر (رض) نے ان کو فرمایا : تیرے ہاتھ ٹوٹیں ، تو مجھ سے اس چیز کے بارے میں سوال کرتا ہے جس کے بارے میں تو رسول اللہ (صلی اللہ علیہ وآلہ وسلم) سے سوال کرچکا ہے تاکہ میں مخالفت کروں۔
ابن سعد، الحسن بن سفیان، ابونعیم، ابن عبدالبرفی العلم