12905 جابر بن عبداللہ (رض) سے مروی ہے کہ نبی اکرم (صلی اللہ علیہ وآلہ وسلم) نے اپنے حج میں ارشاد فرمایا : جانتے ہو کون سا دن سب سے زیادہ محترم ہے ؟ ہم نے عرض کیا : یہ دن (عرفہ کا) آپ نے فرمایا : جانتے ہو کون سا شہر سب سے زیادہ محترم ہے ؟ ہم نے عرض کیا : یہ شہر۔ پھر فرمایا : اور کون سا مہینہ سب سے زیادہ احترام والا ہے ؟ ہم نے عرض کیا : یہی مہینہ۔ پھر ارشاد فرمایا : تمہارے خون، تمہارے اموال، تمہاری عزت وآبرو تمہارے لیے زیادہ احترام والی ہیں اس دن کی حرمت سے، اس ماہ میں اور اس شہر میں۔ ابن ابی عاصم فی الدیات