12910 ابی مخشی بن حجیر اپنے والد سے روایت کرتے ہیں کہ نبی اکرم (صلی اللہ علیہ وآلہ وسلم) نے حجۃ الوداع میں خطبہ دیا اور فرمایا : اے لوگو ! یہ کون سا شہر ہے ؟ لوگوں نے کہا : شہر حرام۔ پوچھا : کونسا ماہ ہے ؟ لوگوں نے عرض کیا : ماہ حرام۔ پوچھا : کونسا دن ہے ؟ لوگوں نے کہا : یوم النحر۔ پھر آپ (صلی اللہ علیہ وآلہ وسلم) نے ارشاد فرمایا : تمہارے (ایک دوسرے کے) خون، تمہارے اموال ، تمہاری عزتیں اور آبروئیں تم ایک دوسرے پر حرام ہیں جس طرح یہ دن اس ماہ کے اندر (اور اس مقدس شہر کے اندر) پس تمہارے حاضرین تمہارے غائبین کو (یہ بات) پہنچا دیں، میرے بعد تم کفار نہ ہوجانا کہ ایک دوسرے کی گردنیں مارنے لگو۔ ابونعیم