12919 وابصۃ بن معبد (رض) سے مروی ہے کہ میں حجۃ الوداع کے موقع پر رسول اللہ (صلی اللہ علیہ وآلہ وسلم) کی خدمت میں حاضر ہوا، آپ ارشاد فرما رہے تھے : اے لوگو ! کون سا دن سب سے زیادہ حرمت والا ہے ؟ لوگوں نے عرض کیا : یہ دن اور وہ یوم النحر تھا۔ پھر پوچھا کونسا ماہ سب سے زیادہ حرمت والا ہے ؟ لوگوں نے کہا : یہ ماہ۔ پوچھا : کونسا شہر سب سے زیادہ حرمت والا ہے ؟ لوگوں نے کہا : یہی شہر (مکہ) تب آپ (صلی اللہ علیہ وآلہ وسلم) نے ارشاد فرمایا : بیشک تمہارے خون ، تمہارے اموال اور تمہاری عزت وآبروئیں سب ایک دوسرے پر حرام ہیں جس طرح تمہارا یہ دن اس ماہ (محترم) میں اور اس (محترم) شہر (مکہ) میں اپنے رب سے ملنے تک محترم ہے۔ پھر پوچھا : کیا میں نے تم کو پیغام پہنچا دیا ؟ لوگوں نے عرض کیا : جی ہاں۔ پھر آپ (صلی اللہ علیہ وآلہ وسلم) اپنے دونوں ہاتھ آسمان کی طرف بلند کرکے عرض کیا : اے اللہ ! گواہ رہنا۔ پھر ارشاد فرمایا : شاہد غائب کو پہنچادے۔ مسند ابی یعلی ، ابن عساکر