12934 ابوالشعثاء سے مروی ہے کہ میں حج کے ارادے سے نکلا اور بیت اللہ میں داخل ہوا، حتیٰ کہ جب میں دونوں ستونوں کے پاس تھا تو وہاں سے بڑھ کر دیوار کے ساتھ چمٹ گیا اور پھر ابن عمر (رض) تشریف لائے اور انھوں نے میرے برابر میں چار رکعت نماز پڑھیں۔ انھوں نے نماز پڑھ لی تو میں نے عرض کیا : رسول اللہ (صلی اللہ علیہ وآلہ وسلم) نے کہاں نماز پڑھی تھی ؟ ابن عمر (رض) نے فرمایا : اس جگہ، مجھے اسامہ بن ید نے خبر دی تھی کہ آپ (صلی اللہ علیہ وآلہ وسلم) نے (یہاں) نماز پڑھی تھی۔ میں نے پوچھا : کتنی نماز پڑھی ؟ انھوں نے اس بار فرمایا : اس بات پر تو میں اپنے آپ کو ملامت کرتا ہوں۔ میں ان کے ساتھ ایک عمر بھر رہا لیکن یہ نہ پوچھ سکا کہ آپ (صلی اللہ علیہ وآلہ وسلم) نے کتنی نماز پڑھی تھی۔
مسند احمد، ابن منیع، مسند ابی یعلی، الطحاوی، ابن حبان، ابن ابی شیبہ