12936 عطاءؒ حضرت اسامہ بن زید (رض) سے روایت کرتے ہیں، اسامہ (رض) فرماتے ہیں : میں رسول اللہ (صلی اللہ علیہ وآلہ وسلم) کے ساتھ بیت اللہ میں داخل ہوا۔ آپ (صلی اللہ علیہ وآلہ وسلم) نے حضرت بلال (رض) کو حکم دیا انھوں نے دروازہ بند کرلیا۔ بیت اللہ اس وقت چھ ستونوں پر قائم تھا۔ آپ (صلی اللہ علیہ وآلہ وسلم) چلے اور جب کعبہ کے دروازے قریب والے دو ستونوں کے پاس پہنچے تو بیٹھ گئے اللہ کی حمدوثناء کی ، تکبیر وتہلیل کی اللہ سے دعا استغفار کی پھر کھڑے ہو کر کعبہ کی پشت پر منہ رکھا اور اپنا رخسار اس پر رکھا اپنے سینے اور ہاتھوں کو اس سے ملایا اور اللہ کی حمدوثناء کی دعا و استغفار کیا پھر ہر ستون کے پاس جاکر اس کو تکبیر ، تہلیل ، تسبیح اور ثناء علی اللہ کرتے ہوئے چوما اور دعا و استغفار کیا۔ پھر نکل کر کعبہ کے سامنے کے حصے میں دو رکعت نماز پڑھی پھر مڑے اور قبلہ اور اس کے دروازے کی طرف متوجہ ہوتے ہوئے فرماتے رہے یہ قبلہ ہے، یہ قبلہ ہے۔
مسند احمد، النسائی، الرویانی، السنن لسعید بن منصور
کلام : مذکورہ روایت ضعف کے حوالے سے محل کلام ہے دیکھئے : المعلۃ 3