١٢٩٤۔۔ اللہ نے تم سے جاہلیت کے تفاخر اور آباء و اجداد پر فخر کو دفع کردیا ہے۔ مومن متقی ہو یافاسق ، شقی ، تم سب آدم کے بیٹے ہو۔ اور آدم کی تخلیق مٹی سے ہے پس لوگوں کو اپنے قبیلوں پر فخروغرور کرنا ترک کردینا چاہیے، ایسے کفر کی حالت میں چلے جانے والے لوگ جہنم کے کوئلے ہیں۔ یا وہ ان گبریلے جانوروں سے بھی زیادہ جو غلاظت و گندگی کو اپنی ناک سے سونگھتے پھرتے ہیں اللہ کے نزدیک ذلیل ترین ہیں۔ مسنداحمد، سنن ابی داؤد، بروایت ابوہریرہ (رض)۔ شرح فحم، کوئلہ الجعل الذی یدھدہ الخرابانفہ۔ یعنی وہ گبریلا کی مانند جانور جو گندگی میں منہ مارتا ہو۔ النھایہ ، فی غریب الحدیث ج ١ ص ٢٧٧۔