13011 لوگوں کی عورتوں سے پاکدامنی برتو تو تمہاری عورتیں پاکدامن بن جائیں گی۔ اپنے والدین کے ساتھ نیکی کا سلوک رکھو تمہاری اولاد تمہارے ساتھ نیکی برتے گی ۔ اور جس شخص کے پاس اس کا کوئی (مسلمان) بھائی اپنی غلطی کی معذرت کرنے آئے خواہ وہ حق پر تھا یا باطل پر تو اس اپنے بھائی کی معذرت قبول کرنا چاہیے۔ اگر اس نے ایسا نہ کیا تو وہ میرے پاس (کل کو) حوض پر نہ آسکے گا۔ مستدرک الحاکم عن ابوہریرہ (رض)
کلام : امام ذھبی (رح) فرماتے ہیں روایت کی سند میں سوید ضعیف ہے۔ مستدرک الحاکم کتاب البروالصلۃ 154/4 ۔ نیز دیکھئے ضعیف الجامع 3715، الضعیفۃ 2043 ۔