13204: جس شخص نے شراب پی کر اپنے پیٹ میں ڈال لی اللہ تعالیٰ اس کی سات دن کی نماز قبول نہیں فرمائیں گے اگر وہ انہی ایام میں مرگیا تو کافر مرے گا اور اگر اس کے سبب اس کی عقل چلی گئی اور اس سے کوئی فرض ترک ہوگیا تو چالیس دن کی نماز قبول نہ ہوگی اور انہی ایام میں مرا تو کافر مرے گا۔ نسائی عن ابن عمرو (رض) ۔
فائدہ : ۔۔۔ رواہ الترمذی کتاب الاشربہ باب ماجاء فی شارب الخمر۔ وقال حدیث حسن۔ حدیث کا تکملہ یہ ہے : پوچھا گیا : اے ابو عبدالرحمن (حضرت ابن عمر (رض) کی کنیت) نہر خبال کیا ہے ؟ فرمایا : اہل جہنم کی پیپ (خون) کی نہر۔