13236 جس نے (شراب کے) نشے میں ایک وقت کی نماز چھوڑ دی گویا اس کے پاس ساری دنیا مال و دولت سمیت موجود تھی مگر وہ اس سے چھین لی گئی۔ جس نے نشہ میں چار مرتبہ نماز چھوڑ دی تو اللہ پر لازم ہے کہ اس کو ردغۃ الخبال پلائے، پوچھا گیا : ردغۃ الخبال کیا ہے ؟ ارشاد فرمایا : اہل جہنم کا نچڑا ہوا (خون پیپ) ۔ مسند احمد ، مستدرک الحاکم، السنن للبیہقی عن ابن عمرو
کلام : امام حاکم نے المستدرک کتاب الاشربۃ 146/4 پر روایت کیا ہے اور امام ذھبی (رح) نے فرمایا : ابن وھب اس کے روایت کرنے والے ہیں اور یہ روایت انتہائی ضعیف ہے۔